Halyqaralyq olımpıada kúninde respýblıkanyń birqatar qalalarynda olımpıadalyq júgirýden buqaralyq jarys ótedi

Bul týraly búgin Astanada ótken baspasóz máslıhatynda QR Týrızm jáne sport mınıstrligi Sport komıtetiniń tóraǵasy Elsııar Qanaǵatov málim etti, dep habarlaıdy QazAqparat.

«Sharanyń eń tartymdy, basty oqıǵasy Astana men Almaty qalalarynda ótedi. Astanada bul sharaǵa shamamen 5 myń adam, al Almatyda «Astana» stadıonynda 8 myńnan astam halyq qatysady dep kútilýde», deıdi E. Qanaǵatov. Onyń atap kórsetkenindeı, olımpıadalyq júgirý Qazaqstannyń Petropavl, Pavlodar syndy iri qalalarynda da ótpek. Qarapaıym halyqpen qatar júgirý alańdaryna olımpıada chempıondary, depýtattar, qoǵam qaıratkerleri de shyǵady.

Jasóspirimderge arnalǵan jekelegen jarystar 400 jáne 500 metrlik, bozbalalar men boıjetkenderge - 1000 metrlik, al eresekterge 2400 metrlik qashyqtyqtarda ótkiziledi. Qatysýshylarǵa Ulttyq olımpıada komıteti arnaıy syılyqtar daıyndady.

Senbi kúni, saǵat 10:00-de Astanada Q. Muńaıtpasov atyndaǵy stadıonda, Almatyda «Astana» sport kesheninde bastalatyn osy buqaralyq-sporttyq sharany QR Týrızm jáne sport mınıstrligi, Astana qalasynyń ákimdigi jáne QR Ulttyq olımpıada komıteti qolǵa alyp otyr.

1894 jyly maýsymnyń 23-i kúni Halyqaralyq olımpıada komıteti qurylǵan bolatyn. Halyqaralyq olımpıada kúni resmı túrde 1948 jyldan bastap toılana bastady. Bıyl Qazaqstan halqy bul kúndi dástúr boıynsha erterek, mamyrdyń 22-si kúni atap ótedi.