Halyqaralyq olımpıada komıtetiniń jańa basshysy saılandy
ASTANA. 11 qyrkúıek. QazAqparat - Býenos-Aıres qalasynda Halyqaralyq olımpıada komıtetiniń músheleri jasyryn daýys berý arqyly uıymnyń jańa basshysyn saılady.
Komıtettiń eks-basshysy Jak Roggeniń ornyna nemis Tomas Bah keldi. Eki kezeń boıynsha ótken saılaýǵa Pýerto-Rıko, Shveıtsarııa, Sıngapýr jáne Ýkraınanyń úmitkerleri qatysty. Alaıda Germanııa ókili T.Bah oq boıy ozyq shyqty. Aıta keteıik, T.Bah Olımpıada chempıony retinde komıtet tizginin alǵash ret alyp otyr. 1976 jyly ótken Olımpıadada ol semserlesýden altyn enshilegen bolatyn. Komıtet qurylǵan 119 jyldan beri T.Bah onyń toǵyzynshy prezıdenti bolyp saılandy. Eks-prezıdent J.Rogge atalǵan uıymdy 12 jyl basqardy.
