Halyqaralyq Olımpıada komıteti Soltústik Koreıany 2022 jylǵy Olımpıadadan shettetti
NUR-SULTAN. QazAqparat - Halyqaralyq Olımpıada komıteti (HOK) KHDR Ulttyq Olımpıada komıtetiniń qyzmetin 2022 jyldyń sońyna deıin toqtatty, dep habarlaıdy QazAqparat.
KHDR quramasy 23 shilde - 8 tamyz aralyǵynda ótken Tokıo Olımpıadasyna qatysqan joq.
«Oıyndarǵa tek KHDR qatysqan joq. Olar jarǵyny buzdy, óz mindetterin oryndamady. Biz KHDR UOK-tin 2022 jyldyń sońyna deıin shettetý týraly sheshim qabyldadyq. HOK dıskvalıfıkalaý ýaqytyn qaıta qaraý quqyǵyn ózine qaldyrady», - dedi Tomas Bah Halyqaralyq Olımpıada komıtetiniń YouTube-tegi kanalynda ótken baspasóz máslıhatynda.
«KHDR UOK ýaqytsha toqtatý kezinde HOK qoldaýyna nemese onyń baǵdarlamalarynyń iske asyrylýyna úmit arta almaıdy.
Eger KHDR sportshylary irikteý jarystarynyń qorytyndylary boıynsha Beıjińdegi Olımpıada oıyndaryna iriktelse, HOK atqarý komıteti keıinnen osy sportshylarǵa qatysty tıisti sheshim qabyldaıtyn bolady», - dep atap ótti ol.
