Halyqaralyq naryqtarǵa shyǵýǵa kómektesýge daıynbyz - Djeremı Veır
Úkimet úıinde Premer-Mınıstr Álıhan Smaıylov Trafigura kompanııasynyń atqarýshy dırektory Djeremı Veırmen kezdesti, dep habarlaıdy QazAqparat vedomstvonyń telegram- arnasyna silteme jasap.
Úkimet basshysy elimizdiń ekonomıkalyq qyzmetiniń tıimdiligin arttyrý maqsatynda kompanııanyń álemdik naryqtardaǵy tájirıbesi men múmkindikterin eskere otyryp, ózara tıimdi seriktestik ornatýǵa múddeli ekenin atap ótti.
Óz kezeginde D. Veır Qazaqstannyń damý áleýeti joǵary ekenin aıtty.
«Biz senimdi seriktes bola alamyz jáne sizderge halyqaralyq naryqtarǵa shyǵýǵa kómektesýge daıynbyz. Bul úshin bizde barlyq múmkindik bar», - dedi ol.
Kelissóz qorytyndysy boıynsha taraptar ózara qyzyǵýshylyq týdyratyn máseleler boıynsha birlesken konsýltatsııalar ótkizýge ýaǵdalasty.
«Trafigura» kompanııasy – shıkizat taýarlary naryǵyndaǵy halyqaralyq treıder jáne álemniń 55 elinde keńseleri bar.
