Halyqaralyq MMA federatsııasy Qazaqstandy moıyndady
ASTANA. QazAqparat - Halyqaralyq MMA federatsııasy Qazaqstannyń Ulttyq MMA, pankratıon jáne grepplıng federatsııasyn moıyndap, hat jiberdi, dep habarlaıdy «SPORTINFORM» SAA.
Federatsııa prezıdenti Saǵyndyq Mekeevtiń atyna kelgen hatta Qazaqstan federatsıasyn moıyndaý týraly sheshim federatsııanyń músheligine qabyldaý jónindegi Halyqaralyq sport federatsııalarynyń jahandyq qaýymdastyǵy (GAISF) bekitken halyqaralyq standarttarǵa saı qabyldanǵany aıtylǵan.
Eske sala keteıik, buǵan deıin Halyqaralyq MMA federatsııasy (IMMAF) men Búkilálemdik MMA qaýymdastyǵy (WMMAA) eki uıymnyń birikkeni týraly málim etken bolatyn. Bul MMA-diń resmı sport túri retinde birleskenin ańǵartady. Onyń ústine sporttyń osy túrin Olımpıada qozǵalysy aıasyndaǵy sport túri retinde moıyndalýyn jaqyndata tústi.
