Halyqaralyq mektep oqýshylary Astanada óz jumystaryn usynady
ASTANA. 5 sáýir. QazAqparat - Sáýirde qaladaǵy «Qulanshy» art-ortalyǵynda balalar shyǵarmashylyǵy kórmesi jumysyn bastaıdy. Ekspozıtsııada «Nur Orda» halyqaralyq mektebi oqýshylarynyń jumystary qoıylady.
«Atalǵan kórme jyl saıyn ótýde. Kelýshiler 5 pen 15 jas aralyǵyndaǵy balalar qolynan shyqqan óner týyndylarynyń úzdikterin kóre alady. Jumystar túrli tehnıkada keramıka, toqyma, kenep, plastelın, músin, kollaj, keskindeme, taǵy basqa da ártúrli materıaldardy paıdalanyp oryndalǵan», - dep málim etti astana.kz saıtyna art-ortalyqtan.
Uıymdastyrýshylardyń aıtýynsha, týyndylardyń taqyryptary óte keń. Atap aıtqanda: qazaqtyń ulttyq mádenıeti, elimizdiń ásem tabıǵaty avtordyń ishki álemimen astasyp, tutas shyǵarmanyń árin berip tur.
Kórmeniń ashylýy 11 sáýirde 17.00-de Beıbitshilik jáne kelisim saraıynyń «Qulanshy» art-ortalyǵynda ótedi.
