Halyqaralyq medbıkeler kúnine arnap KTK oıyndary ótkiziledi
ASTANA. 13 mamyr. QazAqparat - Búgin «Ulttyq medıtsınalyq holdıng» AQ «Nur Otan» HDP-men birigip, Halyqaralyq medbıkeler kúnine arnap Kóńildiler men tapqyrla oıyndaryn ótkizedi.
Іs-sharanyń ótetin orny «Respýblıkalyq neırohırýrgııa ǵylymı ortalyǵy» AQ konferents-zaly.
Bul týraly «UMH» AQ Baspasóz qyzmeti habarlap otyr.
Jyl saıyn 12 mamyrda Halyqaralyq medbıkeler kúni (International Nurses Day) toılanady. Basqasha aıtatyn bolsaq, bul kúni biz eń adamgershiligi mol mamandyqtardyń ókilderin quttyqtap, alǵys aıtýymyz kerek.
Ustamdylyq jáne shydamdylyq - bul medıtsına mamandyǵynyń negizi, medıtsına osyndaı qasıetterden turady. Búginde medbıke mamandyǵy eń syıly úshtikke jatady. Medbıkelik is - bul óz aldyna derbes ǵylym jáne derbes mamandyq. Biraq medıtsına mamandarynyń bári naýqasty kútýdiń bilimi men daǵdylaryn meńgerýge tıis. Naǵyz medbıke kásibı daǵdylardy bilip qana qoımaı, onyń jan dúnıesi baı, ári qaıyrymdy bolýy tıis. Óıtkeni bizge bul ómirde qandaı da bir adamnyń jan ashyp, birge qaıǵyrǵandyǵy jetpeı jatady. Keıde emdelýshilerge sýyq qabaqpen berilgen dári-dármekter emes, ne belgilengen ýaqytta qoıylatyn gradýsnıkte emes, jyly qabaq, jyly sóz, ashyq soılesý mańyzdy bolady.
«Búgin biz ózimizdiń medbıkelerimizdi ázil-syqaqpen, kúlkimen quttyqtaǵymyz keledi», - deıdi baspasóz qyzmeti.
