Halyqaralyq magıstrlik jazǵy mektep ashylady
ASTANA. QazAqparat - Erteń 10:00-de Qazaq ulttyq agrarlyq ýnıversıtetinde ISAS-2014 Halyqaralyq magıstrlik jazǵy mekteptiń saltanatty ashylýy bolady, dep habarlaıdy atalmysh ýnıversıtettiń baspasóz qyzmeti.
ISAS-2014 Halyqaralyq jazǵy magıstrlik mekteptiń maqsaty - qazaqstandyq bilim men ǵylymdy Eýropa keńistiginde ıntegratsııalaýǵa múmkindik beretin, Bolon protsesiniń basty prıntsıpi - akademııalyq mobıldilikti júzege asyrý.
Jazǵy mektep sheńberinde «Sý resýrstaryn basqarý»; «Jasyl ekonomıka»; «Topyraqtaný jáne agrohımııa»; «Veterınarııa»; «Orman resýrstaryn basqarý»; «Ekoenergııa»; «Bıotehnologııa jáne taǵam qaýipsizdigi» daıyndyq baǵyttary boıynsha ózekti máseleler talqylanady.
Magıstranttarǵa «Sý resýrstaryn ıntegratsııalyq basqarý», «Jasyl ekonomıka: damý úrdisi jáne perspektıvasy», «Azyq-túlik jáne ekologııalyq qaýipsizdik problemalary», «Veterınarııa - bıoqaýipsizdik máselesinde», «Orman sharýashylyǵyn ıntensıvtendirý», «Elektr energetıkasy jáne qaıta jańǵyrtylatyn energııa kózderi», «Taǵam qaýipsizdigin qamtamasyz etý problemalary jáne mindetteri» bilim berý baǵdarlamalary boıynsha bilimin joǵarylatýǵa jáne tájirıbe jınaqtaýǵa mol múmkinshilik beriledi.
Halyqaralyq jazǵy mektepte AQSh, Kanada, Ulybrıtanııa, Fınlıandııa, Italııa, Frantsııa, Polsha, Chehııa, Slovakııa, Slovenııa, Rýmynııa, Bolgarııa, Malaızııa, Lıtva, Latvııa, Reseı jáne Belarýs memleketterinen sheteldik ǵalymdar dáris oqıdy jáne master-klass, trenıngter ótkizedi. Sonymen qatar, salalyq Ǵylymı-zertteý ınstıtýttary men óndiris oryndarynyń ókilderi óndiris jaǵdaıynda tájirıbelik sabaqtar ótkizedi. Halyqaralyq mektepke qatysýǵa dúnıe júziniń ártúrli memleketinen jáne Qazaqstannyń 15 joǵary oqý oryndarynan magıstranttar tirkelgen.
Halyqaralyq jazǵy magıstrlik mektep - bul magıstranttarǵa kásibı quzyrettiligin joǵarylatýǵa, tájirıbelik daǵdy alýǵa, sondaı-aq sheteldik ǵalymdarmen baılanys ornatýǵa berilgen múmkindik.
