Halyqaralyq Qyzyl Jarty Aı qoǵamy balalarǵa arnap qaıyrymdylyq is-sharasyn ótkizdi
strong> Maýsymnyń 1-i. QazAqparat. /Erbol Turymbetov/ - Búgin Almatydaǵy QR Memlekettik ortalyq murajaıynda Balalardy qorǵaýdyń halyqaralyq kúnine arnalǵan «Murajaıdaǵy tańerteńgilik» atty qaıyrymdylyq is-shara ótti,
dep habarlaıdy QazAqparat.
Bul ataýly kún Halyqaralyq demokratııalyq áıelder federatsııasy sessııasynynyń sheshimimen 1949 jyldyń qarasha aıynda qabyldandy. Al 1950 jyly 1 maýsymda tuńǵysh ret atap ótildi. Búgingi mereke eresekter úshin balalarǵa únemi qamqorlyq jasaý jáne árdaıym qorǵap júrýge jaýapty ekendikterin eske salatyn kún bolyp tabylady.
Sharany murajaı basshylyǵy men Halyqaralyq Qyzyl Jarty Aı qoǵamynyń Almaty qalalyq komıtet-fılıaly Balalardy qorǵaýdyń halyqaralyq kúnine oraı uıymdastyrdy. Mundaǵy basty maqsat jetkinshekterdi rýhanı qoldap, olardyń optımıstik kóńil-kúılerin kóterý. Al demeýshilik kórsetken «Lemonadoff Food», «Gold Prodýkt», «Sultan-marketıng» kompanııalary men «Aqsaı» nan kombınaty óz ónimderinen kórme uıymdastyryp, balalarǵa tegin úlestirdi.
Qaıyrymdylyq jobasy barysynda kishkentaı talanttardyń kontserttik baǵdarlamalary oryndaldy. Sonymen qatar, «Ýlybka» qýyrshaq teatry, Seleznev atyndaǵy Almaty horeografııalyq ýchılışesi jáne «Orlenok» áskerı-patrıottyq klýbynyń órenderi ónerlerin kórsetti.
