Halyqaralyq kúres federatsııasynyń basshysy qyzmetinen ketti
ASTANA. 17 aqpan. QazAqparat- Halyqaralyq kúres federatsııasynyń prezıdenti Rafael Martınettı otstavkaǵa ketti. Bul týraly «Alaman» habarlaıdy.
Mundaı sheshim juma kúni Taılandtyń Phýket qalasynda ótken FILA-nyń kezekten tys otyrysynda shyǵaryldy.
Esterińizge sala keteıik, ótken aptada Halyqaralyq olımpıada komıteti kúres túrlerin 2020 jylǵy olımpıada oıyndary baǵdarlamasynan alyp tastaǵan edi. Al kúres federatsııasynyń ókilderi Martınettıdiń jumysyna senimsizdik bildirip, ony ornynan alyp tastady. Jańa prezıdent aldaǵy kúnderi saılanady.
