Halyqaralyq konsortsıým Qashaǵanda ónim óndirýdi keńeıtedi
«Qashaǵan ken ornyn ıgerý jobasynyń I kezeńindegi eksplýatatsııalyq tsıkl ondaǵan jyldy quraıdy jáne onyń keıingi kezeńderi qazirgi tańda josparlaný ústinde. Osyǵan qaramastan, biz jaqynda ǵana Qashaǵan kenin ıgerýdiń І kezeńindegi óndiristi ary qaraı damytý jobasynyń aıasynda ınjenerlik-tehnıkalyq daıyndyq jumystaryn ótkizý úshin Qazaqstan Respýblıkasy Úkimetiniń ruqsatyn aldyq. «TsK01» dep atalatyn 1 kezeń aıasyndaǵy óndiristi keńeıtý jobasy Kaspıı teńizindegi teńizdik keshendegi shıkizat kólemin táýligine 80 myń barrelge deıin ulǵaıtý úshin qosymsha qarjylyq salymdardy talap etedi. Úkimettiń bergen ruqsaty NKOK-tyń 2017 jylǵy ınjenerlik-tehnıkalyq daıyndyq jumystaryn bastaýyna jáne 2018 jylǵa arnalǵan ınjenerlik-tehnıkalyq daıyndyq jumystarynyń josparyn qurýǵa múmkindik beredi. Atalmysh joba iske qosylsa, 1 kezeńdegi shıkizat óndirý kólemi táýligine 450 myń barrelge jetýi múmkin», - dep málimdedi «Nort Kaspıan Opereıtıng Kompanı B.V» konsortsıýmynyń atqarýshy dırektory Brýno Jarden.
