Halyqaralyq konkýrs jáne olımpıada jeńimpazdaryna 4 mln teńgege deıin syıaqy beriledi – BǴM
«Bul zańǵa Prezıdent qol qoıýy qajet. Prezıdent qol qoısa, dereý iske asady. Bıylǵy jyly halyqaralyq dodalardyń, olmpıadalardyń jeńimpazdary bolsa, osy múmkindikke ıe bolady. ıAǵnı, bir rettik tólemder 4 mıllıon teńgege deıin jetedi, ekinshiden – olardyń tálimgerlerine beriletin qarjy bar, úshinshiden – osy balalarǵa arnaıy granttar berý máselesi qaraldy», - dedi Ashat Aımaǵambetov Senatta tilshilerge bergen suhbatynda.
Mınıstrdiń aıtýynsha, tek qana Olımpıada qatysýshylaryna ǵana emes, túrli shyǵarmashylyq, dúnıejúzilik konkýrstardyń jeńimpazdaryna da grant berý máselesi qarastyrylyp otyr.
«Túrli dúnıejúzilik deńgeıdegi sporttyq jarystardyń jeńimpazdaryna UBT tapsyrmaı-aq JOO-ǵa túsý múmkindigin de qarastyrdyq. Bul óte jaqsy másele, óıtkeni qarańyzdar, hımııany keremet biletin bala Mendeleev olımpıadasynan jeńispen oraldy, biraq ol UBT-ǵa barǵanda qazaq tilin de, tarıhty da, hımııany da bilýi kerek bolady. Sondyqtan bizdiń aıtyp otyrǵanymyz – osyndaı balalardan aıyrylyp qalmaýymyz kerek. Zańǵa túzetýler engizildi, bul 10-20 jyldan beri halyq kóterip júretin máseleniń biri. Sondyqtan bul másele sheshimin tapty», - dedi A. Aımaǵambetov.
Aıta keteıik, Memleket basshysy Qasym-Jomart Toqaev daryndy balalardy qoldaý úshin sharalar ázirleýdi tapsyrdy. Bul mindetti iske asyrý úshin Bilim mınıstrligi zańnamaǵa túzetýler ázirledi.
Sonymen qatar halyqaralyq olımpıadalardyń altyn medal ıegerine – 1500 aılyq eseptik kórsetkish, kúmis medal – 1000 AEK, qola medal ıegerine 500 AEK mólsherinde birjolǵy syıaqy tóleý respýblıkalyq bıýdjet qarajaty esebinen josparlanýda. Sondaı-aq, olardy daıyndaǵan pedagogterge birjolǵy syıaqy tólemderi mynadaı mólsherde belgilenedi: altyn medal ıegerin daıyndaǵan pedagogke – 150 AEK, kúmis medal – 100 AEK, qola medal – 50 AEK.
