Halyqaralyq kompanııa memlqyzmetshilerge jemqorlyq táýekelderin anyqtaýdy oqytady
Kompanııanyń Ortalyq Azııa óńiri boıynsha aǵa menedjeri Zarına Ahmedına sybaılas jemqorlyqqa qarsy is-qımyldaǵy jańa tásilderdi, sybaılas jemqorlyqqa qarsy quqyqtyq jáne zańnamalyq talaptardy buzýshylyqtardyń týyndaýyn anyqtaýǵa jáne tómendetýge múmkindik beretin sybaılas jemqorlyqqa qarsy protsesterdi taldaýdy tanystyrdy.
Sondaı-aq, osy qadamdar sybaılas jemqorlyqqa qarsy rásimderdi jáne úderisterdiń yqtımal osal tustaryn anyqtaýǵa, alaıaqtyq, laýazymdyq quzyretin asyra paıdalaný jáne ádepsiz minez-qulyq faktilerin tekserýge múmkindik beredi.
Onyń aıtýynsha kompanııa memlekettik qyzmetshilerdiń biliktiligin arttyrýdyń, oqytýdyń jańa úlgileri men tásilderin engizýge daıyn.
Zarına Ahmedına agenttiktiń qyzmetkerleri úshin komplaens-kún ótkizýdi usyndy.
«Ol aqysyz negizde trenıngter ótkizý, ártúrli keısterdi sheshý, ózekti stsenarıılerdi sımýlıatsııalaý, toptyq isker oıyndar jáne basqa da sharalar arqyly kásibı daǵdylardy qalyptastyrýǵa baǵyttalǵan», - dedi ol.
Alık Shpekbaev atalǵan usynysty qabyl alyp, agenttik qyzmetkerleriniń, jalpy memlekettik apparattyń oqytylýyna erekshe nazar aýdarylatyndyǵyn atap ótti.
«Úzdiksiz oqytý jáne memlekettik qyzmetshilerdiń kásibı biliktiligin arttyrý - bul ýaqyttyń talaby. Bizdiń maqsatymyz - memlekettik qyzmetshilerdiń oılaýyn aýqymdy transformatsııalaý. Memlekettik qyzmetshiniń tıimdi jumysyna kedergi jasaýǵa, olardyń oılaryn ózgertýge, hard jáne soft skills-terdi damytýǵa, sondaı-aq kúndelikti qyzmette «qajetsiz» elementterden arylýǵa baǵyttalǵan «Ózgeristerdi ózińnen basta» degen jobasy iske asyrylýda», - dedi Alık Shpekbaev.
Kezdesý qorytyndysy boıynsha taraptar Memlekettik basqarý akademııasynda «Komplaens-kún» formatynda toptyq trenıngterdi uıymdastyrýǵa jáne bul tájirıbeni basqa memlekettik organdarǵa taratý jóninde kelisimge keldi.
Aıta keterligi Deloitte - konsaltıngtik jáne aýdıtorlyq qyzmetterdi usynatyn halyqaralyq kompanııalar jelisi. Ol aýdıtorlyq kompanııalardyń «tórttigine» kiredi. 2017 jyly «Fortune» jýrnaly atalmysh kompanııany álemdegi 100 eń bedeldi kompanııa reıtıngisine engizdi.