Halyqaralyq kompıýterlik jobalar baıqaýynda qaraǵandylyq oqýshylar 8 medal aldy
ASTANA. QazAqparat - Halyqaralyq kompıýterlik jobalary baıqaýynda qaraǵandylyq oqýshylar 8 medal jeńip aldy. Bul týraly QazAqparat Qaraǵandy oblysy ákimdiginiń baspasóz qyzmetine silteme jasap habarlaıdy.
Baspasóz málimetterine qaraǵanda, VI halyqaralyq Infomatrix-Asia kompıýterlik jobalar baıqaýy sáýirdiń 12-nen 15-ne deıingi aralyqta Almaty oblysynda Súleıman Demırel atyndaǵy ýnıversıtet negizinde ótti. Oǵan Qazaqstannan, jaqyn jáne alys shet elderden 450 joǵarǵy synyp oqýshylary qatysty. Qaraǵandy oblysynan baıqaýǵa 18 oqýshy bardy.
Baıqaý jeti nomınatsııa boıynsha ótti: robototehnıka, baǵdarlamalaý, kompıýterlik grafıka jáne óner, basqarý júıeleri (hardware), qysqa metrajdy fılm, drondar jarysy (drone racing) jáne matematıkalyq jobalar.
Óz №1 Bilim-ınnovatsııa lıtseı-ınternaty, «Murager» jáne «Daryn» daryndy balalar mektepteriniń, Qaraǵandy qalasy №57 mektep-lıtseıiniń oqýshylary usyndy. Úzdikter qataryna 8 qaraǵandylyq jobalar da endi.
Infomatrix-Asia halyqaralyq kompıýterlik jobalar baıqaýynyń uıymdastyrýshysy: «Daryn» Respýblıkalyq ǵylymı-tájirıbelik ortalyq, Súleıman Demırel atyndaǵy ýnıversıteti.
