Halyqaralyq kólik tasymalyn qadaǵalaıtyn ulttyq operator aıqyndalady
NUR-SULTAN. QazAqparat - Halyqaralyq avtomobıl tasymaldaryn qadaǵalap otyrýdyń aqparattyq júıesiniń ulttyq operatory aıqyndalady, dep habarlaıdy QazAqparat.
Memlekettik kirister komıteti buǵan deıin halyqaralyq avtomobıl tasymaldaryn qadaǵalaý maqsatynda navıgatsııalyq plombalar engizilip jatqanyn málimdegen edi. Osyny júzege asyrý maqsatynda ulttyq operatordy aıqyndaý úshin konkýrs jarııalandy. Konkýrsqa qatysýshylar tıisti krıterıılege sáıkes kelýi shart.
«Halyqaralyq avtomobıl tasymaldaryn qadaǵalap otyrýdyń aqparattyq júıesiniń ulttyq operatoryn aıqyndaý jónindegi konkýrs «Avtomobıl kóligi týraly» Zańynyń 14-1-babyna saı ótedi. Ulttyq operatordy aıqyndaý qaǵıdalary Premer-Mınıstrdiń orynbasary – Qarjy mınıstriniń buıryǵymen bekitilgen. Konkýrstyq ótinimderdi jáne konkýrsqa qatysý úshin qajetti qujattardy usynýdyń sońǵy merzimi – 18 mamyr, saǵat 17.30», - dep jazdy vedomstvodan.
