Halyqaralyq qoǵamdastyqtyń damýynda azamattyq qoǵamnyń yqpaly zor – M. Jarbosynova
ASTANA. 28 qarasha. QazAqparat /Rýslan Ǵabbasov/ - Memlekettiń damýynda azamattyq qoǵamnyń róli zor. Bul týraly búgin Astanadaǵy EQYU-nyń Azamattyq qoǵam konferentsııasynda Syrtqy ister mınıstrliginiń Erekshe tapsyrmalar jónindegi elshisi Mádına Jarbosynova osylaı málim etti.
«EQYU Sammıti qarsańynda azamattyq qoǵam qyzmetiniń mańyzdylyǵy erekshe. Atap aıtqanda azamattyq qoǵamnyń qosar úlesi joǵary jáne Sizdermen udaıy yntymaqtastyq baılanystarda bolýǵa múddelimiz. Osy oraıda azamattyq qoǵamnyń aıtar pikirin tyńdap, tıisti usynystardy zerdeleýge nıettimiz»,-dedi ol.
M. Jarbosynova azamattyq qoǵamnyń róli elimizdiń damýyna, sondaı-aq jalpy halyqaralyq qoǵamdastyqtyń ilgerileýinde óte mańyzdy ekenin aıta kele: «Azamattyq ınstıtýttar bastamalary turaqty damýǵa yqpaly zor jáne olardyń is-qımyly ekonomıkalyq jáne saıası quqyqtardyń damýyna, adamdardyń bostandyǵyna baǵyttalǵan»,-dedi.
M. Jarbosynovanyń paıymdaýymsha, búgingi konferentsııa adamzattyq ólshemderde EQYU-nyń mindetterin iske asyrýda, onyń tetikterin bekitýde mańyzdy úles qasady. «11 jyldan keıingi Astanadaǵy EQYU Sammıti qarsańynda azamattyq qoǵam máselelerine arnalǵan búgingi konferentsııa EQYU-ǵa azamattyq qoǵammen ózara qarym-qatynasta bolý negizgi basymdyqtardyń biri ekenin baıqatyp otyr»,-dep túıindedi sózin Erekshe tapsyrmalar jónindegi elshi.
Atalǵan konferentsııa jumysyna birqatar elderden kelgen úkimettik emes uıymdar men azamattyq qoǵam ókilderi qatysýda. Kún tártibine sáıkes birinshi sessııada adamzattyq ólshem baǵytyndaǵy mindetterdi oryndaý boıynsha usynystardy tanystyrý máselesi qaralady. Al ekinshi sessııa burynǵy Keńes Odaǵy elderindegi ahýaldy talqylaýǵa, sondaı-aq úshinshisi, saıası jáne gýmanıtarlyq daǵdarys jaǵdaıyna tıimdi áser etýde EQYU-nyń qabilettiligin arttyrý taqyrybyna negizdelip otyr.
