Halyqaralyq koalıtsııanyń áýe soqqylary Sırııa men Irak arasyndaǵy eki kópirdi buzdy
ÁBÝ-DABI. QazAqparat - AQSh basqaryp otyrǵan halyqaralyq koalıtsııa «Islam memleketiniń» Sırııadaǵy pozıtsııalaryna kezekti áýe soqqylaryn tıgizdi. Osy joly amerıkandyq zymyrandar djıhadshylardyń Sırııa men Irak shekarasynyń aýdanynda qoldanatyn eki kópirdi jaryp jiberdi.
Osylaısha, sońǵy eki kúnniń ishinde koalıtsııa «Islam memleketiniń» sodyrlaryna qyryq bir soqqy tıgizdi. Sırııanyń adam quqyqtary jónindegi observatorııasynyń dırektory Ramı Ábdel Rahman Sırııanyń Albý Kamal qalasy men Irak astanasyn qosqan eki kópirdiń joıylǵanyn naqtylady.
«Bul kópirler Sırııa men Irak shekarasy mańynda ornalasqan IM toptary úshin strategııalyq mańyzdy oryndar bolyp tabylady. Olardyń kómegimen sodyrlar eki memleket arasynda jyldam júre aldy», - deıdi R.Rahman.
«Islam memleketiniń» sodyrlary Albý Kamal qalasy men Sırııaǵa jaqyn aýmaqtardy 2014 jyldyń shildesinde basyp alǵan. Irak aýmaǵynda IM Anbar provıntsııasynyń batys bóligin ustap tur.
Áýe soqqylary «Islam memleketin» Iraktan kesip qana qoımaı, djıhadshylardyń aýmaq boıynsha júrýine qıyndyq týǵyzyp, áýeden túsken kúshke osal qyldyrdy.
Halyqaralyq koalıtsııa «Islam memleketi» pozıtsııalaryna áýe soqqylaryn 2014 jyldyń qyrkúıeginde sodyrlardyń Sırııa men Iraktaǵy tabystarynan keıin tıgize bastaǵan.
