Halyqaralyq koalıtsııa kúshteri IM-niń 7 myń sodyrlaryn joıdy
ASTANA. QazAqparat - Sońǵy aptalarda Sırııa men Iraktaǵy halyqaralyq koalıtsııa lańkestikke qarsy operatsııasy nátıjesinde «Islam memleketiniń» (IM) keminde 7 myń sodyry joıyldy, dep málimdedi Iordanııa ÁÁK komandashysy, general Mansýr Saleh ál Jábýr Ammanndaǵy baspasóz máslıhatynda sóılegen sózinde, dep habarlady TASS.
«Biz tyrysqan nársege qol jetkizdik. Biz sodyrlardyń logıstıkalyq ortalyqtaryn, qarý qoımalary men sodyrlardyń panalaıtyn jerlerin joıdyq», - dep atap kórsetti ol. - Bizdiń túpki maqsatymyz IM-ni jer ústinen joıý». Ál Jábirdiń málimetter boıynsha, ÁÁK qolbasshysy endi halyqaralyq koalıtsııanyń negizgi maqsaty IM basshysy Ábý Bákir ál-Baǵdadıdi joıý, komandalyq ortalyqtary men sodyrlardyń jattyǵý bazalaryn joıý, sondaı-aq zańsyz munaı satýdyń jolyn kesý. Ol estremısterdi qarjylandyrýyń negizgi kózderi bolyp otyr.
Skynews Arabia telearnasynyń málimetteri boıynsha, jeksenbi kúni Iordanııaǵa Birikken Arab Ámirlikteriniiń joıǵysh ushaqtar eskadrılıasy jetti. Murager hanzada Ábý Dabıdiń murager hanzadasy Mýhammed ben Zaıd Ál Nahaıanniń bastamasyna sáıkes ámirlik áskerı-áýe kúshteri halyqaralyq koalıtsııa aýqymynda ıordan armııasyna qoldaý kórsetetin bolady.
Iordanııa ekstremıster pozıtsııasyna óziniń avıareıdterin jandandyrdy, Ál Jábýrdiń atap kórsetkenindeı, ótken úsh kúnde 56 áýe shabýyly jasaldy. Negizgi soqqylar Sırııanyń soltústik-shyǵysyndaǵy jaýyngerler tiregine berildi, birneshe avıareıdter Irak aýmaǵynda jasaldy.
Sonyń nátıjesinde ondaǵan ekstremıster, sondaı-aq lańkestik uıym ıeligindegi jattyǵý bazalary, qarý qoımasy men kazarma joıyldy.
