Halyqaralyq keńes QR Joǵarǵy Sotynyń «ınvestıtsııalyq daýlar» uǵymdaryn anyqtaý boıynsha qadamdaryn qoldady
Bul týraly Ortalyq kommýnıkatsııalar qyzmetindegi baspasóz máslıhatynda Joǵarǵy Sottyń mamandandyrylǵan sot alqasynyń tóraıymy Aıgúl Qydyrbaeva málim etti.
Onyń sózine qaraǵanda, keshe ótken QR Joǵarǵy Sotynyń janyndaǵyHalyqaralyq keńestiń birinshi otyrysynda «ınvestıtsııalyq daýlar» túsinigin aıqyndaý qadamdary talqylandy.
«Keńestiń barlyq músheleri «ınvestıtsııalyq daýlar» uǵymdaryn anyqtaý boıynsha Joǵarǵy Sottyń usynǵan qadamdaryn qoldady. Investıtsııalyq daýlarǵa ınvestıtsııalyq kelisimderdi bekitý, ózgertý, buzý boıynsha daýlardy, sondaı-aq ınvestıtsııany júzege asyrýǵa kelisimshartta qamtylǵan salyqtyq, kedendik, ekologııalyq, áleýmettik mindettemelerdi ınvestordyń oryndaýyna baılanysty pikirtalastardy jatqyzýǵa bolady»,-dedi A. Qydyrbaeva.
Onyń aıtýynsha, keshegi otyrystyń kún tártibine sáıkes, Qazaqstan Respýblıkasy sýdıalarynyń minez-qulyq qaǵıdattary men qaǵıdalary ádep kodeksiniń jańa jobasy talqylandy.
Joǵarǵy Sot janynan Halyqaralyq keńes qurý jáne onyń birinshi otyrysyn ótkizý Ult Josparynyń 25-qadamyn tájirıbe júzinde iske asyrý bolyp tabylady.
Joǵarǵy Sottyń aǵymdaǵy jylǵy 15 qańtarda ótken jalpy otyrysynyń qaýlysymen Halyqaralyq keńes jáne onyń quramy týraly ereje bekitildi. Keńes otandyq sot tóreligi júıesin jetildirý máseleleri boıynsha sarapshylyq konsýltatsııalar beredi. Belgili qazaqstandyq ǵalymdardan bólek, onyń quramynda bedeldi sheteldik zańgerler de bar. Keńesti Joǵarǵy Sot tóraǵasy basqarady. Onyń músheleri bir jyl merzimge saılanady. Otyrys jylyna keminde eki ret ótetin bolady.
