Halyqaralyq kelisimderdiń qazaq tilindegi mátinderinde olqylyqty boldyrmaý úshin arnaıy saraptamalyq top qurylady - Q. Mámı
Búgin QR Parlamenti Senatynyń jalpy otyrysynda palata Tóraǵasy Qaırat Mámı osylaı málim etti.
«Ekijaqty kelisimderdi ratıfıkatsııalaý týraly zań jobalarynda qazaq tiliniń ártúrli deńgeıde qoldanylyp, sol úshin qaıtarylyp jatatyny belgili. Biz bıýroda bul máseleni talqylap, keıin Májilis Tóraǵasy N. Nyǵmatýlınmen kelisip, Úkimetke hat joldadyq. Ol hatta halyqaralyq ratıfıkatsııalanatyn kelisimderdi qol qoıylǵanǵa deıin arnaıy toptyń saraptamasynan ótkizý kerek degen edik», - deıdi Senat spıkeri. Tóraǵanyń aıtýynsha, qol qoıylatyn kelisimder aldymen mınıstrlikter men Úkimettiń, sondaı-aq Májilis pen Senattyń ókilderinen qurylǵan arnaıy topta talqylanýy tıis. «Olaı bolmasa álgi mınıstrlikter kelisimniń mátinin ózderinshe aýdarsa, Úkimet ony basqasha aýdarady. Sosyn Parlamentte talqylanǵanda Májilis te Senat ta aýdarmaǵa qatysty basqasha ózgerister engizip qaıtaryp jatyr. Sondyqtan da Syrtqy ister mınıstrligine bul másele qatań eskertildi. Jaqyn arady osyndaı arnaıy top qurylatyn bolady», - deıdi Qaırat Mámı.
