Halyqaralyq qazaq kúresi federatsııasy qurylǵaly kóp jetistikke jettik - Qanat Bozymbaev
NUR-SULTAN. QazAqparat - Bul týraly elordada ótken Qazaq kuresi assosatsııasynyń Kongresinde aıtyldy, dep habarlaıdy QazAqparat tilshisi.
«Men qazaq kúresine 2012 jyly kelgenmin. Sol jyly alǵash ret Respýblıkalyq federatsııamen birge Eýrazııa barysy týrnırin, odan keıin Álem barysyn ótkizdik. Bul qazaq kúresiniń halyqaralyq arenada damýyna úlken serpilis berdi», - deıdi Halyqaralyq qazaq kúresi federatsııasynyń prezıdenti Qanat Bozymbaev.
Ol 2017 jyly Halyqaralyq qazaq kúresi federatsııasy qurylǵanyn aıtty.
«Sodan beri kóp jetistikke qol jetkizdik. Qysqa merzim ishinde federatsııa eki qurlyqtyq Azııa jáne Eýropa federatsııalaryn qosa alǵanda 29 eldi biriktirdi. Úsh jyl ishinde 2 Eýropa chempıonaty, 2 Azııa chempıonaty jáne 2 Álem chempıonatyn ótkizdik. Sondaı-aq, Baltyq jaǵalaýy chempıonaty boldy. Jaqyn arada bizdiń federatsııaǵa Kamerýn, Perý, Kýba, Tájikstan, Belarýs elderiniń enýi josparlanyp otyr», - deıdi ol.
