Halyqaralyq qaıta qurý banki Qazaqstanǵa 345 mln eýro qaryz beredi

ASTANA. QazAqparat – Parlament Májilisiniń jalpy otyrysynda «Qazaqstan Respýblıkasy men Halyqaralyq qaıta qurý jáne Damý banki arasyndaǵy Qaryz týraly kelisimdi ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

«Bıylǵy shildedegi QR Prezıdentiniń Jarlyǵyna sáıkes, 345,7 mln eýro somasyna qaryz týraly kelisimge 24 tamyzda qol qoıylǵan bolatyn. Qaryz tolyǵymen bıýdjet tapshylyǵyn qarjylandyrýǵa baǵyttalady. Qarajat respýblıkalyq bıýdjette kózdelgen áleýmettik jáne basqa da basymdy maqsattarǵa arnalǵan qarjyny qosa alǵanda jalpy bıýdjet shyǵystaryn qoldaýǵa múmkindik beredi», – dedi QR Premer-Mınıstriniń orynbasary-Qarjy mınıstri Erulan Jamaýbaev.

Onyń aıtýynsha, Dúnıejúzilik banktiń qaryzy Qazaqstanǵan 2,5 jyldyq jeńildik kezeńimen jáne 11,5 jyl óteý merzimine berilip otyr. Syıaqy mólsherlemesi Eýrıbor jáne ózgermeli spredten turady.

Aıta keteıik, qaryz qarajaty qaryz týraly Kelisim kúshine engennen keıin biryńǵaı transh túrinde bólinetin bolady.

Foto: wpcdn.zenger.news