Halyqaralyq qarjy uıymdary qaryzyn qaıtarý elimizge problema týǵyzbaıdy - B. Sultanov
ASTANA. QazAqparat - Halyqaralyq qarjy uıymdary qaryzyn qaıtarý elimizge problema týǵyzbaıdy. Búgin Parlament Senatynyń jalpy otyrysynda QR Qarjy mınıstri Baqyt Sultanov osylaı málimdedi.
Mınıstrdiń aıtýynsha, Qazaqstannyń bıýdjettik saıasaty boıynsha respýblıkalyq bıýdjettegi tapshylyq joǵary emes. «Bizdiń qaryzymyzdyń deńgeıi de JІÓ-men eseptegende 15-20 paıyz aralyǵynda. Bul - meılinshe jaǵymda kórsetkish. Al tutastaı syrttan alynatyn qaryzdy tóleýge kelsek, Qazaqstannyń kordınattary 15 paıyzǵa jetpeýi tıis, al búgingi kúni bul kórsetkish 11 paıyzdy quraıdy», - dedi Qarjy mınıstri.
Onyń aıtýynsha, halyqaralyq qarjy quraldarynan alynyp jatqan qaryzdardyń bıýdjetke aýyrtpashylyǵy joǵary emes. «Kelesi jyly biz bıýdjet tapshylyǵyn 1,6 paıyzǵa bekittik. Bul aldaǵy jyldary bir paıyzǵa deıin tómendeıdi. Sondyqtan da, halyqaralyq qaryzdar Qazaqstan úshin problema bolyp sanalmaıdy», - dedi B. Sultanov.
Eske sala keteıik, búgin Senat otyrysynda «Qazaqstan Respýblıkasy men Azııa Damý Banki arasyndaǵy Qaryz týraly kelisimdi (Jaı operatsııalar) (Qarsy tsıkldik damýdy qoldaý) ratıfıkatsııalaý týraly» QR Zańyn qabyldady. Ol boıynsha respýblıkalyq bıýdjet tapshylyǵyn qarjylndyrý úshin ADB 1 mıllıard dollar qaryz bóletin bolady.
