«Halyqaralyq qarjy ınstıtýttarynyń qarajaty esebinen iske asyralatyn jobalardy basqarý» taqyrybynda semınar-keńes bolyp ótti
ASTANA. Aqpannyń 22-si. QazAqparat. Búgin Qazaqstan Respýblıkasy Kólik jáne kommýnıkatsııa mınıstrligi Dúnıejúzilik bankpen birlesip «Halyqaralyq qarjy ınstıtýttarynyń qarajaty esebinen iske asyralatyn jobalardy basqarý» taqyrybynda semınar-keńes ótkizdi,
dep habarlaıdy KKM baspasóz qyzmeti.
Semınarǵa QR Kólik jáne kommýnıkatsııa mınıstrliginiń Avtomobıl joldary komıtetiniń ókilderi, Dúnıejúzilik bank, Azııa damý banki, Islam damý banki, sondaı-aq «Batys Eýropa - Batys Qytaı» jobasyn iske asyrýǵa qatysatyn merdiger jáne qosalqy merdigerlerdiń ókilderi, jobany basqarý jáne qurylysty qadaǵalaý konsýltanttary qatysty.
Semınarǵa qatysýshylar Halyqaralyq qarjy ınstıtýttarynyń zaemdyq qarajattary esebinen qarjylandyrylatyn «Batys Eýropa - Batys Qytaı» mega-jobasyn iske asyrý bastalǵandyqtan semınar taqyryptary ózekti, qyzyqty ári ýaqytyly ekendigin atap ótti.
Semınarda Dúnıejúzilik banktiń ókilderi jobany iske asyrý kezinde sapany qamtamasyz etý, jobany iske asyrýǵa qatysýshylar jáne olardyń jaýapkershilikteri, jobanyń qunyn, shyǵyndaryn basqarý jáne ýaqytty josparlaý sııaqty máselelerdi talqylady.
Semınardy qorytyndylaı kele, semınarǵa qatysýshylar «Batys Eýropa - Batys Qytaı» jobasyn oıdaǵydaı iske asyrý maqsatynda sapany qamtamasyz etý, jobanyń quny men ýaqytyn baqylaý, sondaı-aq jobany iske asyrýǵa tartylǵan barlyq taraptar arasyndaǵy úılestirý máselelerine kóńil bólinetinine ýaǵdalasty.
