Halyqaralyq qarttar kúni atalyp ótti
ASTANA. 1 qazan. QazAqparat - Búgin, 1 qazan kúni Kóliktegi ІІD-de Halyqaralyq qarttar kúni saltanatty túrde atalyp ótildi. Mereıli sharaǵa departamenttiń basshylyǵy men jeke quramy qatysty. Merekeniń sánin oǵan arnaıy shaqyrylǵan Kóliktegi ІІD-niń ardagerleri ashty.
«Merekege jınalǵan ardagerlerdi Kóliktegi ІІD bastyǵynyń orynbasary polıtsııa polkovnıgi Talǵat Ótetileýov quttyqtap, olarǵa zor densaýlyq, uzaq ómir jáne otbasylaryna amandyq tiledi. Ardagerler keńesiniń tóraǵasy Borıs Efımovıch Koroshkeevıch te ardagerlerdiń qyzmetin ózderinen keıingi jastarǵa úlgi etip, olardyń júrip ótken ónegeli jolyn maqtanyshpen baıandady», - dep habarlaıdy Kóliktegi ІІD baspasóz qyzmetinen.
Sondaı-aq, shara barysynda merekelik dastarhan jaıylyp, qarııalarǵa alǵys hattar men aqshalaı syılyqtar tabys etildi.
