Halyqaralyq izdeýdegi «Kraısler» kóligi Jańaózennen tabyldy

JAŃAÓZEN. QazAqparat – Halyqaralyq izdeýde júrgen «Kraısler S300» markaly avtokólik Jańaózen qalasynan tabyldy, dep habarlaıdy QazAqparat tilshisi.

«16 qyrkúıek saǵat 4:30 shamasynda Jańaózen qalasynyń «Juldyz» shaǵyn aýdany kósheleriniń birinde «Kraısler S300» markaly avtokóligi toqtatyldy. Tekserý barysynda kólik Reseı azamatyna tıesili jáne 2019 jyldan bastap halyqaralyq izdeýde ekendigi anyqtaldy», - dedi Mańǵystaý oblysy polıtsııa departamentiniń baspasóz qyzmetinen.

Atalǵan derekke qatysty QR Qylmystyq kodeksiniń 386-baby boıynsha sotqa deıingi tergeý bastaldy. Kólik aıyp turaqqa qoıyldy.