Halyqaralyq izdeýde júrgen Túrkistan turǵyny Atyraýda ustaldy
Oblystyq polıtsııa departamentiniń baspsóz qyzmetinen málim etkendeı, №6 ýchaskelik polıtsııa beketiniń ýchaskelik polıtsııa ınspektorlary 26 naýryzda saǵat 11:00 shamasynda kóshede mas kúıde júrgen azamatty ustaǵan.
«Tekserý kezinde mas jigittiń Túrkistan qalasynyń turǵyny ekeni anyqtaldy. Jasy – 38-de. Oǵan qatysty QR Ákimshilik quqyqbuzýshylyq týraly Kodeksiniń 440-babynyń 1-bóligimen (Alkogoldik ishimdikterdi ishý nemese qoǵamdyq oryndarǵa masań kúıde kelý) ákimshilik hattama toltyrylyp, 5 aılyq eseptik kórsetkish kóleminde aıyppul salyndy. Sondaı-aq, onyń 2017 jyldan beri alıment tóleýden jaltaryp, qashyp júrgeni, oǵan halyqaralyq izdeý jarııalanǵany belgili boldy» dep habarlady departamenttiń baspasóz qyzmetinen.
Ustalǵan azamatqa qatysty zańdy sheshim qabyldaý úshin Atyraý qalalyq polıtsııa basqarmasynyń kóshi-qon qyzmeti bóliminiń mamandary is-qujattardy jınaqtap jatyr.