Halyqaralyq izdeýde júrgen sheteldik Almaty oblysynan tabyldy
TALDYQORǴAN. QazAqparat - Halyqaralyq izdeýde júrgen Ózbekstan azamaty Almaty oblysyndaǵy Qarasaı aýdanynan tabyldy. 22 jastaǵy jigit 2015 jyly qaraqshylyq jasap, jasyrynyp júrgen, dep habarlaıdy QazAqparat tilshisi.
«Er azamat qurylys nysandarynyń birinde jumysshy bolyp istep júrgen. Arnaıy mıgratsııalyq zańǵa sáıkes tekserý barysynda, ol ózine tıesili eshqandaı qujatty kórsete almady. Osyǵan baılanysty Ózbekstan azamaty aýdandyq polıtsııa bólimshesine jetkizilip, arnaıy tekserý bazaǵa ol jaıly aqparat engizgende, onyń izdeýde júrgeni anyqtaldy. Kúdiktiniń ustalǵandyǵy jóninde oǵan izdeý salǵan organǵa habarlandy», dep málim etti oblystyq ІІD baspasóz qyzmeti.
Sondaı-aq, vedomstvo ókilderi kúdiktiniń qaı ýaqyttan beri Qazaqstan aýmaǵynda jasyrynyp júrgenin anyqtalatynyn aıtty. Sonymen qatar, shekaradan qaı jerden jáne qaı ýaqytta ótkeni de tekseriledi.
