Halyqaralyq izdeýde júrgen Reseı azamaty Germanııadan Qazaqstanǵa ekstradıtsııalandy

NUR- SULTAN. QazAqparat - Qazaqstan Respýblıkasynyń Bas prokýratýrasy men Іshki ister mınıstrliginiń qyzmetkerleri Germanııadan halyqaralyq izdeýde júrgen Reseı azamaty Sergeı Valerevıch Shýbındi ekstradıtsııalady, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

Shýbın Aqmolalyq kásipkerdiń 170 000 eýro somasyn et óńdeıtin nemis jabdyǵyn jetkizý amaly arqyly alaıaqtyq jolmen ıemdendi dep kúdiktelýde.

Qazaqstan men Germanııa arasynda izdestirilip jatqan adamdardy ustap berý týraly shart bolmaǵanymen, Bas prokýratýra aıyptalýshyny ekstradıtsııalaý týraly nemis tarapymen kelisimge halyqaralyq quqyqta qoldanylatyn ózara túsinistik qaǵıdaty negizinde qol jetkizdi.

Qazirgi ýaqytta S. Shýbın Nur-Sultan qalasynyń tergeý ızolıatoryna qamaldy.