Halyqaralyq izdeýde júrgen kúdikti Aqmola oblysynda ustaldy
KÓKShETAÝ. QazAqparat – Aýyr qylmys jasaǵany úshin halyqaralyq izdeýde júrgen kúdikti Aqmola oblysynda ustaldy, dep habarlaıdy QazAqparat tilshisi oblystyq PD baspasóz qyzmetine silteme jasam.
Vedomstvonyń málimetinshe, 18 aqpanda Arshaly aýdandyq PB kezekshilik bólimine Ijevsk aýylynyń turǵyny 86 jastaǵy áıel adam aryzdanǵan. Qarııanyń sózinshe, buryn tanys er adam onyń denesine zalal keltirgen jáne qorqytyp, 70 myń teńgesin jáne «BQ» markaly uıaly telefonyn alyp ketken.
«18 aqpanda saǵat 17:00 shamasynda Ijevsk aýylynda mas kúıdegi kúdikti bireýdiń múlkin urlaý maqsatynda qarııanyń úıine barǵan. Ájeıdiń jalǵyz turatynyn bilgen ol aldymen ony aldap úıge kirip, temir esikti ishinen jaýyp alady. Qarııany sabap, otvertkamen qorqytady. Keıin gaz plıtasyndaǵy gaz balonnyn julyp alyp «úıdi órteımin» dep aqsha jáne alty buıymdardy berýdi talap etedi. Zardap shegýshi qoryqqandyqtan 70 myń teńgesin beredi. Er adam bunymen qoımaı, teledıdardyń kabelimen qaýqarsyz qarııanyń aıaq-qolyn baılap soqqylaıdy. Otvertkamen moıyn tusynan jaraqat salady. Artynsha ústeldiń ústindegi uıaly telefondy alyp, ketip qalady», - deıdi vedomstvodan.
Osyǵan baılanysty QR QK 192 babynyń 2 bóligi «qaraqshylyq» boıynsha is qozǵalady. Eki kúnnen keıin Arshaly aýdandyq soty kúdiktige qatysty «qamaýda ustaý» týraly sanktsııa qoldanady. Kúdiktige izdeý jarııalanady.
«Jedel izdestirý sharasy kezinde 27 qyrkúıekte 49 jastaǵy kúdikti Tselınograd aýdanynyń Qoıandy aýylynyń aýmaǵynda qolǵa túsip, ýaqytsha ustaý oqshaýlaǵyshyna qamaldy. Anyqtalǵandaı, kúdikti jergilikti fermalardyń birinde ózge qujatpen jumys istegen», - dep tolyqtyrdy vedomstvodan.
