Halyqaralyq izdeýde júrgen qazaqstandyq qylmystyq top Qyrǵyzstannan quryqtaldy
BІShKEK. QazAqparat - Qyrǵyzstan ІІM derekterinshe, uıymdasqan qylmystyq top quryp, kontrabandamen aınalysqany úshin halyqaralyq izdeýde júrgen Qazaqstannyń 2 azamaty Bishkekte qolǵa tústi.
Qyrǵyzstan Respýblıkasy ІІM QІBB qyzmetkerleri júrgizgen jedel izdestirý sharalary barysynda QR azamattary E.Málibaev (Mázimbaev R. degen de sol) jáne T.Boǵaev quryqtaldy. Olar Qazaqstan Respýblıkasynyń memlekettik organdary men azamattyq tulǵalarymen birigip qylmystyq top qurdy dep kúdiktelýde. Keı málimetterge qaraǵanda, bul qylmystyq topqa 50-den astam adam kirgen.
Qylmystyq top músheleri 2007-2011 jj. Qazaqstan Respýblıkasy aýmaǵynda asa iri kólemdegi kontrabandalyq taýar tasyǵan júk kólikterdiń kedergisiz júrýin qamtamasyz etken. QR quqyq qorǵaý organdarynyń málimetinshe, keltirilgen zalaldyń jalpy somasy 1 mlrd. 496 mln. teńgeden asyp jyǵylady.
2011 jyldyń mamyrynda E.Málibaev pen T.Boǵaevqa Interpol jelisi arqyly memleketaralyq jáne halyqaralyq izdeý jarııalandy.
Endi olardyń Qyrǵyzstanda jasyrynǵany belgili boldy. E.Málibaev zańsyz jolmen R. Mázimbaevtyń atyna Qyrǵyzstan Respýblıkasy azamatynyń tól qujatyn alǵan. Ekeýi de Bishkekte jaldamaly páterde ustaldy.
