Halyqaralyq izdeýde júrgen qazaqstandyq áıel Reseıde abaqtydaǵy er adammen zańsyz nekelesken
ASTANA. QazAqparat - Qazaqstanda ekonomıkalyq qylmys jasaǵan áıel úsh jyldan astam ýaqyt Omby qalasynda jasyrynǵan, dep habarlaıdy BK.
Omby oblysy boıynsha sot jasaýyldary basqarmasynyń baspasóz qyzmetiniń habarlaýynsha, qazaqstandyq burynǵy esepshi áıel óz eliniń aýmaǵynda ekonomıkalyq qylmystar jasaǵan. Bıznesi qurdymǵa ketken soń, ol Ombyda jasyrynýdy sheshken. Ombyda zańdy túrde turý úshin, sol jerde qazirgi ýaqytta túrmede otyrǵan er adamǵa zańsyz turmysqa shyqqan.
Ombydaǵy Kýıbyshev aýdandyq soty áıeldi RF Ákimshilik quqyq buzýshylyqtar týraly kodeksiniń 18.8 babynyń 1.1 bólimimen («Sheteldik nemese azamattyǵy joq Reseı azamatynyń Reseı Federatsııasyna kirý nemese Reseı Federatsııasynda bolý (turý) erejelerin buzý») qarastyrylǵan quqyq buzýshylyqty jasady dep aıyptady. Oǵan aıyppul salynyp, májbúrli túrde elden shyǵarylǵan.
