Halyqaralyq izdeýde júrgen Germanııa azamaty Pavlodarda ustaldy
Ol tonaý, aýyr dene jaraqatyn keltirý, bopsalaý sııaqty qylmys jasaǵany úshin izdestirilýde.
«Anyqtalǵandaı, 2020 jyly Germanııa azamaty óz Otanynda Drezden jergilikti soty 5,3 jylǵa bas bostandyǵynan aıyrǵan. 35 jastaǵy er adam 2022 jyldyń naýryz aıynda nemis pasportyn paıdalana otyryp Astana qalasyna ushyp kelip, qyrkúıek aıynda Pavlodarǵa barǵan. 2022 jyldyń 22 qarashasynda oǵan Germanııa Federatıvtik Respýblıkasy halyqaralyq izdeý jarııalady. Jedel-izdestirý is-sharalaryn júrgizý barysynda qylmyskerdi Pavlodar jedel ýákilderi QR ІІM ınterpolymen birlesip ustady. Ol Pavlodar qalasy ÝUI-ǵa qamaýǵa alyndy. Ekstradıtsııalaý máselesi halyqaralyq sharttarǵa sáıkes sheshiletin bolady, - dep habarlady Pavlodar oblysy PD Krımınaldyq polıtsııa basqarmasynyń bastyǵy Balǵabaı Kaparov.