Halyqaralyq izdeýde júrgen 45 jastaǵy qazaqstandyq Máskeýde ustaldy
ASTANA. 5 qazan. QazAqparat /Marlan Jıembaı/ - Halyqaralyq izdeýde júrgen 45 jastaǵy qazaqstandyq Máskeýde qolǵa tústi.
Bul týraly búgin brıfıng barysynda QR Іshki ister mınıstrliginiń resmı ókili Nurdilda Oraz málim etti.
Onyń atap ótýinshe, Qazaqstan men Reseıdiń Interpol ulttyq ortalyq bıýrolary birlesip jedel izdestirý sharalaryn ótkizý barysynda halyqaralyq izdeýde júrgen 45 jastaǵy Talǵat Ktapııanovty ustady. Oǵan asa iri mólsherde alaıaqtyq jasaǵany úshin Qarjy polıtsııa organdary izdeý jarııalaǵan bolatyn.
«T. Ktapııanov bir top adammen aldyn ala sóz baılasyp, Almaty qalasyndaǵy JShS dırektorynyń senimine kirip, ony aldap jalpy quny 120 mln. teńge bolatyn bótenniń múlkin talan-tarajǵa salǵan. Qazirgi ýaqytta ekstradıtsııalaý materıaldary daıyndalýda»,-dedi ol.
