Halyqaralyq izdeýde bolǵan «NurAlıKapıtal» quryltaıshysy ustaldy
NUR-SULTAN. QazAqparat – Halyqaralyq izdeýge jarııalanǵan «NurAlıKapıtal» JShS quryltaıshysy Almatydan ustaldy. Bul týraly QazAqparat QR ІІM baspasóz qyzmetine silteme jasap habarlaıdy.
«Kúdikti osy jyldyń aqpan aıy men 16 maýsymyna deıin halyqaralyq izdeýde bolǵan edi. Bizdiń qyzmetkerler atalǵan kompanııanyń quryltaıshysyn Almatydan ustady. Ol zańsyz jolmen salymshylardyń múlki men aqshasyn ıemdengen», - dep habarlady Atyraý oblysynyń Polıtsııa departamenti bastyǵynyń orynbasary Nurhat Orazbaev.
Budan buryn er adamǵa qatysty Atyraý qalasynyń tergeý soty syrttaı tutqynǵa alý týraly sheshim qabyldaǵan edi. Qylmystyq isti qazirgi ýaqytta Atyraý oblysynyń Polıtsııa departamentiniń jedel toby júrgizýde.
Nurhat Orazbaevtyń aıtýynsha, qylmystyq is QR ІІM tikeleı baqylaýymen tergelip jatyr.
