Halyqaralyq izdeýde bolǵan alaıaq Ahmetova Ýkraınada ustaldy
ASTANA. QazAqparat - Qazaqstanda alaıaqtyq jasaǵany úshin halyqaralyq izdeýde bolǵan Janar Ahmetova Ýkraınada ustaldy. Bul týraly QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«QR Qylmystyq kodeksiniń 177-baby 3-tarmaǵynda (1995 jylǵy redaktsııa) qarastyrylǵan qylmysty jasaǵany úshin sottalyp, halyqaralyq izdeýde júrgen Ahmetova Janar Botaqyzy Ýkraına aýmaǵynda ustaldy», - dedi ol.
Departament basshysynyń aıtýynsha, Ahmetova 2005 jyldyń naýryzy men 2008 jyldyń qazany aralyǵynda paıyzben qaıtaramyn degen jeleýmen aldap, azamattardyń 50 mıllıonnan astam aqshalaı qarajattaryn ıelengen.
«2010 jyldyń tamyzynda sot organdary oǵan qatysty QR QK 72-babyn qoldandy jáne balasy 14 jasqa tolǵanǵa deıin, ıaǵnı 2021 jyldyń 5 qarashasyna deıin jaza merzimin keıinge shegere turýdy belgilegen bolatyn», - dedi Almas Sadýbaev.
FOTO: KORDON.ORG.UA
