Halyqaralyq izdeý jarııalanǵan Qyzylorda turǵyny Atyraýda ustaldy
ATYRAÝ. QazAqparat - Halyqaralyq izdeý jarııalanǵan Qyzylorda qalasynyń turǵyny Atyraýda qolǵa tústi, dep habarlaıdy «QazAqparat» HAA.
«17 jastaǵy jetkinshek ótken jyldyń jeltoqsanynda Shymkentte qaraqshylyq shabýyl jasady. Osy áreketinen soń oǵan halyqaralyq izdeý jarııalandy. Polıtsııa baýkespeni Atyraý qalasynda qolǵa túsirip, qamaýǵa aldy. Osy ýaqytta QR QK-niń 192 babynyń 2 bólimi boıynsha, sotqa deıingi tergeý bastaldy»,-dep habarlady Atyraý oblystyq Polıtsııa departameti baspasóz qyzmetiniń jetekshisi Nazymgúl Qaısaǵalıeva.
Ol ótken jyly oblysta polıtsııa men sot organdary halyqaralyq izdeý jarııalaǵan 88 adamnyń ustalǵandyǵyn aıtty. Bıylǵy jyly halyqaralyq izdeýde júrgen 23 adam ustaldy, olardyń 5-ýi shetel azamattary.
