Halyqaralyq izdeý jarııalanǵan Qazaqstan azamatshasy BAÁ elinde ustaldy
TANA. 23 qarasha. QazAqparat /Jasulan Amanbaıuly/ - Іri kólemde alaıaqtyq jasady degen kúdikpen halyqaralyq izdeý jarııalanǵan Qazaqstan azamatshasy Birikken Arab Ámirlikterinde ustaldy.
Bul týraly búgin baspasóz máslıhatynda QR Іshki ister mınıstrliginiń resmı ókili Nurdildá Oraz málim etti.
«Qazaqstandaǵy Interpol Ulttyq ortalyq bıýrosynyń suratýy boıynsha Almaty qalasynda iri kólemde alaıaqtyq qylmysyn jasaǵany úshin Ekonomıkalyq jáne sybaılas qylmysqa qarsy kúres departamenti memleketaralyq izdeý jarııalaǵan 36 jastaǵy Elena Danılovany Birikken Arab Ámirliginde tutqyndady», - dep habarlady N. Oraz.
Tergeý málimetterine qaraǵanda, 2009 jyldyń tamyz aıynan ótken jyldyń aqpan aıyna deıin Danılova aktsıonerlik qoǵamnyń biriniń bas býhgalteri bolǵan. Ol bir top adammen sóz baılasyp, ár túrli jaýapkershiligi shekteýli seriktesterdiń jalǵan senim hattaryn paıdalanyp, seriktester bergen qurylys materıaldary úshin kassadan 14 mıllıon teńgeden astam aqsha alǵan. Atalǵan aktsıonerlik qoǵam kórsetilgen fırmalarmen kelisimshart jasamaǵany, aktsıonerlik qoǵamǵa eshqandaı qyzmet kórsetilmegeni anyqtaldy.
«Qazirgi ýaqytta Danılovany Qazaqstanǵa ekstradıtsııalaý máselesi sheshilýde», - deıdi ol.
