Halyqaralyq izdeý salynǵan «mergen» Almatyda ustaldy
TARAZ. QazAqparat – Jambyldyq polıtseıler Tarazda dámhanada oq atyp, halyqaralyq izdeý salynǵan kúdiktini izdeýge 1,5 aı jumsady, dep habarlaıdy QazAqparat tilshisi.
Eske salaıyq, qaıǵyly oqıǵa 25 aqpan kúni keshkisin Taraz qalasynyń ortalyǵyndaǵy dámhanalardyń birinde bolǵan edi. Onda jas jigitter ózara atysqan. Oqıǵa ornyna jedel polıtsııa jiberildi.
Jambyl oblystyq polıtsııa departamenti baspasóz qyzmetiniń habarlaýynsha, 7 sáýirde polıtseıler eki turǵynǵa oq atqan kúdiktini ustady.
«Anyqtalǵandaı, 36 jastaǵy Taraz qalasynyń turǵynyna QR QK 24-baby, 3-bóligi, 99-baby 1-bóliginde qarastyrylǵan qylmys jasady degen kúdikpen halyqaralyq izdeý jarııalanǵan. Jedel-izdestirý sharalary barysynda onyń qaıda ekeni anyqtalyp, Almaty qalasynda polıtsııa qyzmetkerleri ony ustady», - dedi vedomstvonyń baspasóz qyzmetinen.
Kúdikti kinásin tolyq moıyndap, Taraz qalasyndaǵy tergeý ızolıatoryna qamaldy. Tergeý sharalary júrip jatyr.
