Halyqaralyq ІT ýnıversıtetiniń burynǵy rektorynyń isi boıynsha úkim ózgerdi
ALMATY. QazAqparat - Almaty qalalyq sotynda Halyqaralyq aqparattyq tehnologııalar ýnıversıtetiniń burynǵy rektory Damır Shynybekov pen bas esepshi Janaıym Spabekovanyń ústinen qozǵalǵan qylmystyq is boıynsha apellıatsııalyq shaǵym qarady. Olar segiz jylǵa bas bostandyǵynan aıyrylǵan bolatyn, dep habarlaıdy QazAqparat tilshisi.
Apellıatsııalyq satydaǵy sot protsestik shyǵyndardyń somasyn naqtylap, Damır Shynybekovtiń qamaýda bolǵan ýaqyty jazalaý merzimine esepteletinin málim etti.
«Sonymen qatar, aıyptaý aktisinde, sotqa deıingi tergeý organy Shynybekovtiń múlki qylmystyq jolmen alynǵanyn kórsetpegendikten, sot múlikti tárkilemeı, ony zalaldy óteý esebinen memleket kirisine aýdardy. Qalǵan bóliginde úkim ózgerissiz qaldy. Qaýly zańdy kúshine endi», - dep habarlady qalalyq sottyń baspasóz qyzmeti.
Eske salaıyq, 2020 jyldyń 5 qazanynda Halyqaralyq ІT ýnıversıtetiniń burynǵy rektory men bas býhgalteri segiz jylǵa bas bostandyǵynan aıyrylǵan bolatyn.
Aıta keteıik, oqý ornynyń burynǵy rektory Damır Shynybekov byltyr maýsym aıynda qamaldy. Sottalýshy D. Shynybekov pen J.Spabekovaǵa Qylmystyq kodekstiń 189-baby 2-bólimi 4- tarmaǵymen 1,7 mlrd teńge jymqyrdy degen aıyp taǵyldy.
