Halyqaralyq ınspektorlar áýede Atyraý oblysynyń aýmaǵyn tekserdi

ASTANA. QazAqparat - Danııa men GFR ókilderiniń qatysýymen qarýdy baqylaý jónindegi grek ortalyǵynyń kópultty toby Eýropadaǵy qarapaıym Qarýly Kúshter týraly shart sheńberinde Qazaqstannyń batys aımaǵynda ınspektsııa júrgizdi, dep habarlaıdy QazAqparat.

Qorǵanys mınıstrliginiń málimetinshe, halyqaralyq qujatta qarý-jaraq pen áskerı tehnıkanyń negizgi sanattarynyń monıtorıngi kózdelgen. Bularǵa tankter, brondy jaýyngerlik mashınalar, artıllerııalar, soqqy beretin tikushaqtar jáne jaýyngerlik ushaqtar jatady.

«Eki táýlik ishinde QR Qarýly Kúshteriniń ókilderi «kórsetilgen aýdannyń» aýmaǵyn aınalyp ushyp ótý arqyly áýe ınspektsııasyn júrgizýdi qamtamasyz etti. Tekserý qorytyndysy boıynsha Qazaqstan Eýropadaǵy qarapaıym Qarýly Kúshter týraly shart sheńberinde halyqaralyq mindettemelerdi saqtaıtyny ataldy. Inspektsııalanatyn aýdanda málimdelmegen qarý-jaraq pen áskerı tehnıka joq», - dep jazdy vedomstvodan.

Gretsııa, Danııa jáne GFR ınspektorlary tekserý is-sharalaryn ótkizýge kómekteskeni úshin Qorǵanys mınıstrligine rızashylyqtaryn bildirip, onyń joǵary deńgeıde uıymdastyrylǵanyn atap ótken.

Foto: gov.kz