Halyqaralyq hokkeı federatsııasy 2022 jyldyń qańtaryndaǵy barlyq týrnırlerdi toqtatty
NUR-SULTAN. QazAqparat - Halyqaralyq hokkeı federatsııasy qańtardaǵy barlyq týrnırlerdi, sonyń ishinde Qazaqstannyń áıelder quramasy qatysatyn týrnırlerdi de toqtatty, dep habarlaıdy QazAqparat HAA tilshisi qazaqstandyq federatsııanyń baspasóz qyzmetine silteme jasap.
Halyqaralyq hokkeı federatsııasynyń medıtsınalyq komıtetiniń usynystaryna sáıkes uıym keńesi 2022 jyldyń qańtaryna josparlanǵan federatsııanyń quzyryndaǵy barlyq týrnırlerdi toqtatý týraly sheshim qabyldady.
Olardyń qatarynda Qazaqstan quramasynyń qatysýymen 18 jasqa deıingi áıelder arasyndaǵy ótetin álem chempıonaty da bar. 18 jasqa deıingi áıelder arasyndaǵy týrnırlerden basqa, ekinshi dıvızıondaǵy V tobyndaǵy, sondaı-aq úshinshi dıvızıondaǵy jastar arasyndaǵy chempıonattar da toqtatyldy.
Barlyq atalǵan týrnırlerdi lıganyń mindettemelerine baılanysty aýystyrý múmkin emes ekeni habarlandy.
