Halyqaralyq ǵylymı konferentsııa materıaldarynyń jınaǵy úsh tilde jaryq kórdi
ASTANA. 22 qazan. QazAqparat - Bıylǵy mamyr-maýsym aıynda Astana qalasynda ótken Asharshylyq qurbandaryn eske alýdyń 80 jyldyǵyna arnalǵan «Qazaqstandaǵy asharshylyq: halyq qasireti jáne tarıh taǵylymy» atty halyqaralyq ǵylymı konferentsııasy materıaldarynyń jınaǵy qazaq, orys, aǵylshyn tilderinde 1000 taralymmen baspadan shyqty.
Bul týraly Memleket tarıhy ınstıtýty habarlap otyr.
Oǵan otandyq, reseılik jáne sheteldik zertteýshilerdiń ǵylymı baıandamalary engizilgen. Keńestik ujymdastyrý kezeńindegi totalıtarlyq júıeniń saıası qatelikterinen mıllıondaǵan adamdardyń qurban bolǵany tarıhtan belgili. Bul taqyrypty laıyqty baǵalaý elimizdiń táýelsizdik jyldarynda ǵana múmkin boldy. Asharshylyq tarıhyna jańa kózqarasty qalyptastyrǵan osyndaı jınaq materıaldary osydan jıyrma jyldaı buryn jaryq kórgen bolatyn.
«400 bettik bul jınaqtyń ereksheligi - eki kúndik is-sharalar aıasynda ótken eskertkishtiń ashylýy, fılmniń túsirilýi, kitaptyń shyǵýy, kórmeniń uıymdastyrylýy, álemniń 13 memleketinen kelgen qonaqtarmen kezdesýler, halyqaralyq ǵylymı konferentsııa jumysynyń barysy men nátıjeleriniń tutastaı qamtylýynda», - deıdi ınstıtýttyń jetekshi ǵylymı qyzmetkeri Kúlpash Іlııasova.
Halyqaralyq ǵylymı konferentsııanyń 6 bólimnen turatyn qararynyń mátininen otandyq jáne sheteldik ǵalymdarmen yntymaqtastyqta osy taqyrypty keshendi zertteý arqyly jas urpaqtyń tarıhı sanasyn qalyptastyrý maqsaty kózdeledi.
Jınaqtyń sońǵy jaǵynda tarıhı mańyzy bar ǵalymdar kezdesýinen keıin týyndaǵan oılar berilgen. «Zertteý ádisnamasyndaǵy ózgeshelikterge, sandyq sáıkessizdikterge qaramastan, ǵalymdardyń bári «HH ǵasyrdyń 30-jyldaryndaǵy alapat asharshylyq keńestik bıliktiń solaqaı saıasatynyń saldarynan boldy» degen ortaq qorytyndyǵa keldi», - delingen habarlamada.
Sol sııaqty jınaqta konferentsııaǵa qatysýshy sheteldik qonaqtardyń qazaq dalasyna saıahaty da nazardan tys qalmaǵan.
