Halyqaralyq ǵarysh stansysynyń kezekti ekspedıtsııasynyń ekıpajy jattyǵýlar ótkizýde
ASTANA. Naýryzdyń 12-si. QazAqparat /Sara Qabıqyzy/ - Keshe, beısenbi kúni Ǵaryshkerlerdi daıyndaıtyn ıÝ.A.Gagarın atyndaǵy reseılik ǵylymı-zertteý ortalyǵynda Halyqaralyq ǵarysh stansysyna attanatyn kezekti ekspedıtsııa ekıpajynyń emtıhandyq keshendi jattyǵýlarynyń alǵashqy kúni ótti.
Bul týraly QazAqparatqa «Reseıǵarysh» agenttiginiń baspasóz qyzmetinen habarlady.
Quramyna reseılik ǵaryshkerler Aleksandr Skvortsov pen Mıhaıl Kornıenko, sondaı-aq NASA astronavty Treısı Koldýell-Daıson kiretin ekıpaj Halyqaralyq ǵarysh stansysynyń reseılik segmentiniń trenajerynda jattyǵý ótkizdi. Quramyna Aleksandr Samokýtıaev, Andreı Borısenko jáne Skott Kellı kiretin ekinshi ekıpaj «Soıýz TMA» kemesiniń trenajerynda keshendi jattyǵý ótkizdi. Ekıpajǵa «jaqsy» degen baǵa berildi, dep habarlady «Reseıǵaryshtyń» baspasóz qyzmetinen.
Ǵaryshkerler emtıhandyq jattyǵýlaryn búgin «Soıýz TMA» kemesi men Halyqaralyq ǵarysh stansysynyń trenajerlarynda jalǵastyrady. Birneshe kúnnen keıin komıssııa sheshimimen negizgi jáne qosalqy ekıpajdardyń quramy anyqtalady.
Kezekti ekspedıtsııa ekıpajynyń Halyqaralyq ǵarysh stansysyna sapary sáýirdiń 2-sine josparlanǵan.
