Halyqaralyq ǵarysh stansysyna attanǵan ekıpajdyń komandıri Dmıtrıı Kondratev Qazaqstan mektebiniń túlegi
BAIQOŃYR. 18 jeltoqsan. QazAqparat /Sara Qabıqyzy/ - 16 jeltoqsan, beısenbi kúni «Baıqońyrdan» Halyqaralyq ǵarysh stansysyna ushyrylǵan «Soıýz TMA-20» ǵarysh kemesiniń halyqaralyq ekıpajynyń komandıri Dmıtrıı Kondratev orta mektepti Almatyda bitirgen jáne 1986 jyly ıAk-52 ushaǵynda ushý daıyndyǵy baǵdarlamasy boıynsha Almaty DOSAAF-nyń aeroklýbynda oqýyn aıaqtaǵan.
Reseılik ǵaryshkerdiń ómirbaıanyna kóz salsaq, ol sol jyly A.F.Mıasnıkov atyndaǵy Kachınsk joǵary áskerı avıatsııalyq ushqyshtar ýchılışesine oqýǵa túsip, onyń 1990 jyly támamdaǵan. Joıýshy ushaqtyń ushqyshy retinde Áskerı-áýe kúshteriniń túrli bólimshelerinde qyzmet atqarǵan. Ushaqtyń onshaqty túrin ıgergen, 150-ge jýyq parashıýtpen sekirgen. «І sanattaǵy áskerı ushqysh», «Parashıýttik-desanttyq daıyndyq nusqaýshysy», «Súńgýir-ofıtser» biliktilikterine ıe.
ıÝ.Gagarın atyndaǵy Ǵaryshkerlerdi daıyndaý ortalyǵynyń ǵaryshkerler otrıadyna D.Kondratev 1997 jyldyń jeltoqsan aıynda qabyldanǵan. Qarap otyrsaq, onyń ǵaryshqa joly 13 jylǵa sozylǵan eken, al kók aspanǵa alǵashqy joldamasyn Almaty DOSAAF-ynyń aeroklýbynan alǵan.
«Reseıǵaryshtyń» baspasóz qyzmetinen habarlaǵandaı, ǵaryshkerdiń ákesi - avıatsııa ınjeneri ıÝrıı Semenovıch pen anasy - Valentına Dmıtrıevna, ǵaryshqa ushý maqsatyna - 13 jyl boıy daıyndalyp jetken uldaryn maqtan etedi. Dmıtrıı Kondratev pen onyń zaıyby Dınara eki ul tárbıelep otyr.
