Halyqaralyq ǵarysh stansasynyń ushý orbıtasy 2 shaqyrymǵa kóteriledi
ASTANA. Qyrkúıektiń 15-i. QazAqparat - Ashyq kosmosta arnaıy operatsııa júrgiziledi. Halyqaralyq ǵarysh stansasynyń ushý orbıtasy 2 shaqyrymǵa arttyrylady. Bul shara ekıpajdyń qyrkúıektiń 24-inde «Soıýz» kemesimen jerge oralýyna jaǵdaı jasaý úshin jáne qazannyń 8-ine belgilengen jańa «Soıýz» kemesimen túıisýge ázirlik úshin jasalady, dep habarlaıdy RSN agenttigi.
Ushý saparlaryn basqarý ortalyǵynyń ballıstıkalyq qyzmetinen habarlaǵandaı, ǵarysh manevri Máskeý ýaqyty boıynsha 13.04-te bastalyp, dál 526 sekýndqa sozylady. Osy operatsııanyń nátıjesinde Halyqaralyq ǵarysh stansasynyń orbıtasy 356 shaqyrymǵa jetedi.
