Halyqaralyq ǵarysh stansasynda nan pisirile bastaıdy
ASTANA. QazAqparat - Ǵalymdar Halyqaralyq ǵarysh stansasynda nan pisirýge arnalǵan qospa men peshti oılap tapty.
Ony kelesi jyly synaqtan ótkizý kózdelip otyr, dep habarlaıdy QazAqparat Rosbalt agenttigine silteme jasap.
Atap ótilgendeı, daıyn ǵaryshtyq taǵamdar jyldan-jylǵa jaqsaryp keledi, biraq astronavttardyń uzaqmerzimdi mıssııalary úshin barlyq astaryn ózderimen birge alyp ketý tıimsiz. Sondyqtan ǵalymdar kóp tonnaly qordy Jerden arqalamaı, ony ǵaryshta daıyndaý baǵytynda jumys isteýde.
Ǵylymı ázirlemeler qant óndirisi men kókónisterdi ósirýge arnalǵan bakterııalarǵa qatysty bolyp otyr. Jańa pisken as ǵaryshtaǵy astronavtar úshin ǵana emes, týrısterge de qolaıly bolar edi, dep jazady Rosbalt.
«Ǵarysh týrızmi tanymal bola bastaýyna baılanysty jáne adamdar ǵaryshta kóp ýaqyt ótkizýdi qalaǵan saıyn, bizge ǵarysh jaǵdaıynda nan pisirý júıesin qaıta jasap shyǵýǵa týra keledi», - deıdi Bake In Space kompanııasynyń negizin qalaýshy Sebastıan Marký.
