Halyqaralyq ǵarysh stansasynda adamnyń ǵaryshta úzdiksiz bolý uzaqtyǵy boıynsha rekord ornatyldy
ASTANA. Qazannyń 26-sy. QazAqparat - Halyqaralyq ǵarysh stansasy orbıtaldyq ǵarysh stansasynyń bortynda adamnyń úzdiksiz bolý uzaqtyǵy boıynsha «Mır» stansasynyń rekordyn jańartty, dep habarlaıdy «Maıak» radıosy.
Jańa rekord qazannyń 22-sinde máskeý ýaqyty boıynsha saǵat 11.13-te ornatyldy. Kezindegi «Mır» stansasynyń rekordy 3 myń 641 saǵatty qurap edi. Ǵaryshkerler atalmysh stansanyń bortynda 10 jylǵa jýyq ýaqyt - 1989 jyldyń qyrkúıek aıynyń 8-i men 1999 jyldyń tamyz aıynyń 28-i aralyǵynda úzilissiz boldy.
Al Halyqaralyq ǵarysh stansasy alǵashqy ekspedıtsııanyń 10 jyldyq mereıtoıyn qarashanyń 2-sinde atap ótedi. 2000 jyldyń qarasha aıynda quramyna amerıkandyq astronavt Ýıllıam Shepard pen reseılik ǵaryshkerler ıÝrııa Gıdzenko men Sergeı Krıkalev kirgen ekıpaj Halyqaralyq ǵarysh stansasyna alǵash aıaq basqan edi.
