Halyqaralyq fýtbol federatsııasy 196 mıllıon dollarǵa jeke jerasty murajaıyn salmaqshy
ASTANA. 21 sáýir. QazAqparat - Halyqaralyq fýtbol federatsııasy (FIFA) jeke jerasty murajaıyn salýdy josparlap otyr, dep habarlaıdy Birinshi arna Eýrazııa.
Jobanyń bıýdjeti 196 mıllıon dollardy quraıdy. Ol FIFA-nyń shveıtsarııalyq Tsıýrıhtegi shtab-páterinde ornalaspaqshy.
Federatsııanyń resmı saıtynyń habarlaýynsha, FIFA-nyń atqarýshy komıteti murajaıdyń qurylysy shtab-páterdegi jumys ornyn 380-nen 500 adamǵa deıin ulǵaıtýǵa múmkindik beredi dep esepteıdi. Murajaı ekspozıtsııasyna kýboktar men júldeler qoıylyp, úsh ólshemdi anımatsııalyq fılmderdi kórýge arnalǵan kınozaldar ashylady.
«Bolashaqta ashylatyn murajaı álemniń túkpir-túkpirindegi fýtbol jankúıerleriniń kezdesý orny bolmaq», - dedi FIFA prezıdenti Zepp Blatter.
Esterińizge sala keteıik, FIFA 1904 jyly 21 mamyrda qurylǵan edi. Uıymnyń quramyna 208 ulttyq assotsıatsııa kiredi.
