Halyqaralyq Eýrazııalyq djıý-djıtsý chempıonatynda qazaqstandyqtar 6 medal oljalady
ASTANA. 25 qazan. QazAqparat - Ótken demalys kúnderi Sankt-Peterbor qalasynda djıý-djıtsýdan ótken tuńǵysh halyqaralyq Eýrazııalyq chempıonatta qazaqstandyq sportshylar 1 altyn, 4 kúmis, 1 qola medal jeńip aldy.
Atap aıtqanda, Rınat Nurǵalıev (66 keli) kúmis, Albert Aldııarov (66 keli) qola, Kırıll ıAkımovıch (81 keli) altyn, Nurlan Músinov (73 keli) kúmis, Almaz Muhtarov (100 keli) kúmis, Abylaı Sákeev (100 keli) kúmis júlde enshiledi.
QR djıý-djıtsý federatsııasynyń birinshi vıtse-prezıdenti, joǵary sanatty «Hanshy», 8-dan ıegeri Rýslan Ábdireevtiń aıtýynsha, Qazaqstannyń ulttyq quramasy ártúrli tehnıkalardy kórsete otyryp, djıý-djıtsý salasyndaǵy halyqaralyq sarapshylardyń oń baǵasyna ıe bolǵan.
«Biz bul chempıonatqa óte uzaq ári tyńǵylyqty daıyndaldyq. Sebebi bizdiń myqty qarsylastar kútip turǵanyn bildik. Chempıonattaǵy bizdiń sportshylardyń jeńisi - bul bir kúnniń nátıjesi emes, jyldar boıy jasalǵan jumystardyń, jattyǵýlardyń nátıjesi. Federatsııa, jattyqtyrýshylar, bapkerler, eldiń túkpir-túkpirinen kelgen úzdik sportshylar oqý-jattyǵý jıyndaryn ótkizip, birlese tynbaı jumys istedik», - deıdi ol.
Halyqaralyq sport jarysyn Búkiljapondyq djıý-djıtsý federatsııasynyń qoldaýymen «IMAF-Eýrazııa» uıymy 19-21 qazan kúnderi ótkizgen bolatyn.
